Maiatzaren 12an, igandean, Kutsidazu bidea Ixabel antzezlana eskainiko du Txalo Talo Antzerki Taldeak Areson. Udaletxeko karrapean jarriko dute oholtza eta 18:30ean hasiko da emanaldia. Haur, gazte zein helduentzako egokia den antzezlana da eta sarrera dohainik izanen da. Ester Povedak zuzenduta, sei aktore igoko dira oholtzara eta tartean izan da Ana Goñi aresorra.
Putaren bakarrizketa eroetxean antzezlana eskainiko du Laura Penagosek Leitzako Herri Aretoan maiatzaren 12an, 19:00etan. Franca Rame eta Dario Foren testu batetik abiatuta, antzerki arineko formatuan planteatutako bakarrizketa da. Sarrerak aldez aurretik eros daitezke zazpi eurotan kulturaleitza.eus helbidean edo egunean bertan leihatilan zortzi eurotan.
2024ko Sanferminetako programaren azala eta bestak iragarriko dituen kartela aukeratzeko lehiaketa deitu du Lesakako udalak, herrian sortu edota bertan bizi direnentzat. Lanak udal bulegoetan aurkezteko epea maiatzaren 17ko 13:00etan bukatuko da, lehiaketa hauetan ohikoa den sistema erabiliz.
Ekaina | ||||||
---|---|---|---|---|---|---|
al | ar | az | og | ol | lr | ig |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |