‘Leizearen oroimena’ zikloak segitzen du eta buruilaren 22an, ortziralean 19:00etan hasita hitzordu berezia izanen dute leizeetan, antzinako musika tresnei eskainia, ‘Leizeen musika’ goiburupean. Jean-Claude Enriquek musika tresna ezberdinak eta Paleolitikoko soinu-adierazpenaren lehen formak aurkeztuko ditu leizeen harrera gelan.
Frantsesez emanen du solasaldia, baina aldi berean euskarara itzultzea posible izanen da, horretarako hamar eskaera baino gehiago egiten badira. Mintzaldia urririk da, aitzinetik izena emanez (plaza mugatuak dira). Gaualdia hurrupaldi partekatu batekin bururatuko da, usaian bezala.
Animaliak eta mugimenduak imitatzen dituzten soinuak, danbolina, txistuak… ‘Leizeen musika’ gaualdi berezian teknika eta musika-tresna ugari ezagutzeko aukera izanen da.
Mintzaldiaren ondotik, lezean sartuko dira instrumentu primitiboen soinua entzutera, lurpeko giro berezian.