Ohi bezala, Iruritak hasi du eskualdeko besten egitaraua. Maiatzaren 8an, asteazken eguerdian piztu zuten lehen suziria Baztango gaiteroek, Mikel Ortegaren eskutik, bestei hasmenta emanez. Hogei urte baino gehiago ditu Baztango Gaiteroak taldeak Iruritako Salbatore bestetan eta hori eskertu nahi izan zieten.
Mikel Ortegarekin batera, Asier Jauregi eta Izai Urrutia izan ziren Iruritako plazan eta txupinazoaren ondotik, erraldoiekin batera karrikaz karrika ibili ziren jotzen. Gaur, egun handia ospatzen ari dira Iruritan eta igande arratsera bitarte egitarau zabala izanen dute.
