KULTURA

Segurako artopila nagusitu da Leitzako Talo Egunean

Leitza | 2010-09-06 | 15:44

 

Irailaren 5ean Leitzan ospatu zen Talo Egunaren barrenean, bigarren urtez eskualdeko talo lehiaketa ere efin zen. Aurtengoan, Segurako Joxepa Albizurena izan da lehiaketara aurkeztutako artopilik onena, epaimahaiaren arabera. 28 puntu eskuratu zituen Segurakoaren taloak eta iazko irabazlea, Miki Zabaleta leitzarra, izan zen bigarren, 26 puntu terdirekin. Hirugarren postua Ilenia Villabonak eskuratu zuen 26 punturekin. Hiruek saria jaso zuten, 100, 50 eta 25 euro, hurrenez hurren. Ondotik sailkatu ziren Leitzako Itziar Bigera (23 puntu) eta Milagros Ijurko (18 puntu).

KIROLA

Buruz buruko hamargarren txapela jantzi du Koteto Ezkurrak

Doneztebe | 2010-09-06 | 14:31

Doneztebarren arteko lehia izan zen irailaren 4an Galarretan, Kursaal Kasinoaren txapelketaren finalean, edo berdin dena, erremonteko buruz buruko txapelketaren finalean. Koteto Ezkurra beteranoak eta Julen San Migel gazteak elkarren aurka joka zuten eta azkenean zaharrena nagusitu zen, bere bakarkako hamargarren txapela lortuz.

KIROLA

Miguel Angel Sukuntza leitzarrak irabazi du Nafarroako txinga txapelketa

Nafarroa | 2010-09-06 | 13:11

Herri kirol arloan asteburu mugitua izan da iraileko lehenbiziko hau. Larunbatean, Nafarroako emakumezkoen trontza txapelketa jokatu zen Arraiozen. Igandean, berriz, Leitzan, Nafarroako gizonezkoen txinga txapelketa eta Euskal Herriko gazteen aizkora txapelketa jokatu ziren.